Оның барысында тараптар Мемлекет басшысының 2022 жылғы 1 қыркүйектегі Қазақстан халқына Жолдауын іске асыру шеңберінде атап өтілген Қазақстан Республикасында бәсекелестікті дамыту жөніндегі шараларды талқылады.
Сэр Сума Чакрабарти Қазақстан үшін бәсекелестікті дамытудың және Агенттіктің осы бағыттағы жұмысының маңыздылығын атап өтті.
Өз кезегінде Марат Омаров Агенттік пен Қазақстандағы Чакрабарти кеңсесінің Экономикалық даму департаментінің тиімді ынтымақтастығын атап өтті.
Агенттік басшысы кездесуге қатысушыларды Агенттіктің алдына қойылған міндеттерді іске асыру бойынша, оның ішінде бірыңғай операторларды қысқарту және конгломераттар қызметін реттеу, жеке кәсіпкерліктің экономикаға қатысу деңгейін арттыру және оларға өндірістің негізгі факторларына тең қол жеткізуді қамтамасыз ету, жеке бастаманы қолдау және бәсекелестік алаңды фаворитизм көріністерінен тазарту және т. б. бөлігінде жүргізіліп жатқан жұмыстар туралы хабардар етті.
"Біздің алдымызда бизнес ортада бәсекелестікті ілгерілету бойынша маңызды міндет тұр, нарық адал бәсекелестік қағидаларын білуге және қолдануға тиіс. Біз үздік әлемдік тәжірибені енгізе отырып, әріптес ретінде әрекет ететін боламыз" - деп атап өтті Марат Омаров.
Кездесу қорытындысы бойынша тараптар бәсекелестікті дамыту мен қорғауға ықпал ететін қажетті шараларды одан әрі пысықтау үшін бірлескен жұмысты жалғастыруға уағдаласты.
