Қайрат Төребаевтың айтуынша, Нидерланды Қазақстанның ең үздік 10 сауда серіктесінің қатарына кіреді. Елдер арасындағы қатынастар мен ынтымақтастық бизнес деңгейінде де, үкіметтік деңгейде де оң дамуда.
"Қазақстан өз экономикасын әртараптандыруда және бұл Нидерланды ұсынатын ауыл шаруашылығы сияқты басқа секторлар үшін перспективалар ашады. Жалпы, бұл бағыттағы әріптестік жаһандық азық - түлік қауіпсіздігі үшін маңызды бастама бола алады, сондықтан қазақстандық тауарларды Еуропаға экспорттау үшін қолайлы жағдайлар жасау өте маңызды",-деп толықтырды ҚР сауда және интеграция вице-министрі.
Айта кету керек, Нидерланды дамыған көліктік-логистикалық инфрақұрылымға ие және көптеген өнім түрлері, әсіресе ауылшаруашылық өнімдері үшін Еуропаның логистикалық орталығы болып табылады. Елдер арасындағы көлік байланыстарын дамыту қазақстандық тауарлардың Батыс Еуропа нарықтарына қолжетімділігін қамтамасыз етеді.
2022 жылдың сегіз айында Қазақстан 2020 жылдың көрсеткішінен асып түсті. Бүгінде экспорт 3,6 млрд. АҚШ долларын, импорт-164 млн.АҚШ долларын құрайды. Негізгі экспорттық тауарлар мұнай және феррохром болып қала береді, одан кейін химиялық өнімдер, тамақ және мұнай-химия өнеркәсібі.
