«Біз ғылыми зерттеулер жүргізуді жақсартуға және зерттеулерді қаржыландырудың әлемдік стандарттарына жақындауға тырысамыз. Конкурстың мақсаты - ғылыми-зерттеу жұмыстарының деңгейін, ғылыми ұйымдар мен олардың ұжымдарының, сондай-ақ ғалымдардың ғылыми-техникалық әлеуеті мен бәсекеге қабілеттілігін арттыру», - деп атап өтті Дархан Ахмед-Зада.
Әр жобаға 100 млн теңгеге дейін беріледі, әлеуметтік, гуманитарлық ғылымдар мен өнер саласында 70 млн теңгеден аспайды. Іргелі және қолданбалы зерттеулер қабылданады.
«Алайда, жоғарыда аталған конкурстарды іске асыруда шектеулер бар. Ғалымдар ғылыми зерттеулердегі басымдық оның сапасы мен уақытылы жүзеге асырылуы екенін түсінуі керек. Жалпы конкурсқа жобалары 2022-2024 жылдарға арналған ғылыми және (немесе) ғылыми-техникалық жобалар бойынша бұрын өткізілген гранттық қаржыландыру конкурсы шеңберінде қаржыландыру үшін мақұлданған ғалымдар қатыса алмайды. 488 басшы осы конкурсқа қатыса алмайды. Бұл шектеу жоспарларын уақытылы орындамау, зерттеу нәтижелерін жарияламау, есептерді тапсыру мерзімдерін бұзу себебінен ғалымдардың бастамасымен енгізілді. Яғни, екі жобаны жеңіп алған ғалымдар немесе басқа жобалардың ғылыми жетекшісі және қатысушысы бола отырып, жобаны іске асыруға тиісті назар аудармайды, тиімсіз тайм-менеджмент. Бұл шара өздігінен нақты нәтижелерге қол жеткізуге шоғырландыруға мүмкіндік беретініне сенімдіміз. Ең бастысы, жаңа ғалымдар мен идеяларды тартады», - деп түсіндірді спикер.
Алғаш рет Академиялық адалдық (плагиатқа қарсы) және ғылыми этика мәселелеріне көп көңіл бөлінді. Сонымен қатар барлық байқаулар бұрын жарияланған болатын. Ғылыми жобаларды қаржыландыру жаңа күнтізбелік жылдың басынан басталады. Бұл ғалымдарға тиісті жалақыны уақытылы алуға және жыл басынан бері ғылыми жұмыстарын толық орындауға мүмкіндік береді.
