Іс-шараны Қазақстандағы БҰҰ Балалар қоры (ЮНИСЕФ) Қазақстандағы Адам құқықтары жөніндегі уәкілмен, ҚР Сыртқы істер министрлігі, ҚР Еңбек және халықты әлеуметтік қорғау министрлігімен бірлесіп ұйымдастырды.
Конференцияның мақсаты – білім алмасу алаңын қамтамасыз ету және негізгі қиындықтарды анықтау, озық тәжірибемен алмасу, халықты әлеуметтік қорғау жүйесін жетілдіру жөніндегі тиімді шараларға қатысты консенсусқа қол жеткізу үшін сектораралық талқылауға жәрдемдесу болып табылады.
А.Умаров өзінің құттықтау сөзінде Қазақстанда халықты әлеуметтік қорғау бойынша жеткілікті дамыған және ауқымды шаралар жүйесі құрылғанын атап өтті. Бұл шаралар бірінші кезекте балалар мен олардың отбасын қолдауға, атаулы әлеуметтік көмек көрсетуге, жұмысқа орналастыруға қолдау көрсету және білім берудің, денсаулық сақтаудың, әлеуметтік қызмет көрсетудің негізгі қызметтеріне қол жеткізуді қамтамасыз етуге бағытталған.
«Әлеуметтік қамсыздандыру мәселелері бойынша Адам құқықтары жөніндегі уәкілдің атына келіп түсетін өтініштер негізінен әлеуметтік төлемдер мен жәрдемақыларды, атаулы әлеуметтік көмекті алуға көмек көрсетумен, көп балалы отбасыларға, жалғызбасты аналарға қолдау шаралары, қарт адамдарға үйде жеке көмекші беру, жұмысқа орналасуға жәрдемдесумен байланысты, сондай-ақ порталдың тиісінше жұмыс істемеуі мәселесі қаралды әлеуметтік қызметтер. Пандемия кезінде ұлттық құқық қорғау мекемесіне азаматтардың жұмысынан және табысынан айырылуына байланысты көптеген шағымдар келіп түсті», - деп атап өтті А.Умаров.
Кездесу барысында балалы отбасыларды әлеуметтік қорғау саласындағы тиісті зерттеулердің нәтижелері мен ұсыныстары ұсынылды, балалы отбасыларды әлеуметтік қорғау саласындағы өзекті халықаралық және ұлттық тәжірибе талқыланды.
Кезедсу қорытындысы бойынша қатысушылар шешім қабылдаушыларға құқықтық базаны қоса алғанда, әлеуметтік қорғау саясаты мен жүйелерін нығайту бойынша ұсынымдар әзірледі.
