Шығыс Қазақстан облысында 293 бастапқы буын нысаны жұмыс істейді – бұл елдегі барлық МСАК ұйымдарының 5%-ы.

А. Ғиният Мемлекет басшысының тапсырмасы бойынша алғашқы медициналық көмекті ұйымдастыру тәсілдерін түбегейлі қайта қарау үшін халықтың, оның ішінде ауылдық жерлерде тұратын халықтың кең ауқымына, ұтқырлығы мен қолжетімділігі жағынан МСАК қолжетімділігін жақсарту жөніндегі іс-шаралар жоспары бекітілгенін атап өтті. Осылайша, ауылдағы медициналық көмектің сапасын жақсарту үшін пациентті қолдау қызметі, жұқпалы емес ауруларды ерте анықтау, ауруларды басқару бағдарламалары, патронаждың әмбебап прогрессивті моделі, отбасын жоспарлау, ерлер денсаулығын жақсарту, баланың даму кабинеті сияқты МСАК-тың озық тәжірибелерінің жобалары енгізілуде.

Министр соңғы екі жылда медициналық көмек көлемін ұлғайтуға қол жеткізілгенін, атап айтқанда консультациялық-диагностикалық қызметтердің саны 1,5 есеге ұлғайғанын, бұл ауруларды ерте диагностикалаудың қолжетімділігін арттыруға және халықтың денсаулық сақтауға жұмсайтын жеке шығындарын азайтуға мүмкіндік беретінін атап өтті.

Дәрі-дәрмекпен қамтамасыз ету бөлігінде қымбат тұратын дәрі-дәрмектерді қоса отырып, амбулаториялық дәрі-дәрмекпен қамтамасыз ету шеңберінде препараттар тізбесі кеңейтілді. Мәселен, ағымдағы жылы облыс үшін 1,2 млрд теңге сомасына 11 қымбат препарат сатып алынды және жөнелтілді. Амбулаториялық дәрілік қамтамасыз ету деңгейінде 15,5 млрд теңгеден астам сомаға дәрілік заттарды сатып алу жүзеге асырылды, стационарлық көмек үшін 12 млрд теңгеден астам сомаға ДЗ сатып алынды.

Бұдан әрі Денсаулық сақтау министрлігінің басшысы Шығыс Қазақстан облысында 36 ауылдық МСАК объектісін, оның ішінде 7 дәрігерлік амбулаторияны, 2 фельшерлік-акушерлік пунктті және шалғай аудандарда 27 медициналық пунктті салуды көздейтін «Ауылдық денсаулық сақтауды жаңғырту»  пилоттық жобасын іске асыру туралы айтып берді.

Сондай-ақ, республика бойынша пилоттық жобаның  шеңберінде 32 көпбейінді аудандық орталық аурухананы ашу және қайта жаңарту жоспарлануда, оның ішінде Шығыс Қазақстан облысындағы 1 аурухана - бұл Алтай ауданының ауданаралық ауруханасы.

Ауруханаларда инсульт және кардиология бөлімшелері, ТКА орталықтары, реанимация және қарқынды терапия бөлімшелері, аз инвазивті хирургия, травматология және оңалту бөлімшелері ашылады.

Министр 20 қазаннан бастап елімізде аса қауіпті инфекциялық емес ауруларды анықтау мақсатында ауыл тұрғындарына профилактикалық қарап-тексерулер жүргізу бойынша ауқымды науқан басталғанын еске салды.

Сонымен қатар, барлық денсаулық сақтау ұйымдарына, оның ішінде босандыру және реанимация қызметтеріне оларды медициналық жабдықтармен, дәрілік заттармен және медициналық бұйымдармен жарақтандыру бойынша инвентаризация жүргізілді.

Медициналық техникамен жарақтандыру – 84,7%, тозу – 43,1% құрады. Шығыс Қазақстан облысы бойынша медициналық техникамен жарақтандыру – 85,7%, тозу – 41,3% құрады.

Кадрлармен қамтамасыз ету мәселесі бойынша А. Ғиният азаматтарды бүгінгі таңда денсаулық сақтау жүйесінде дәрігерлердің 78 мың штат бірлігі, оның ішінде Шығыс Қазақстан облысында 6 мың штат бірлігі қамтамасыз етілетіндігі туралы хабардар етті.

Өңірде дәрігерлік кадрлардың тапшылығы 144 штат бірлігін құрайды.

Кадрлар тапшылығын төмендету мақсатында мемлекеттік білім беру тапсырысы шеңберінде өңір үшін мамандар даярлауға 178 орын бөлінді, оның ішінде 20 терапевт, 29 орын – педиатрлар, 15 орын – акушер-гинекологтар, анестезиологтар-реаниматологтар – 17 орын, хирургтар – 5 орын.

Халықпен кездесуде өнеркәсіп орталығының тұрғыны қаладағы экологиялық жағдайға, атап айтқанда, тамақ пен ауыз қуысына зақым келтіретін атмосфераға зиянды шығарындыларға алаңдаушылық білдірді.

Министр Семей және Астана қалаларының медицина университеттерінің ғалымдарын тарта отырып, химиялық қосылыстардың әсерінен ауыз қуысы мен тыныс алу ағзаларының зақымдануы бойынша клиникалық хаттаманы әзірлеуді қарастыру бойынша жұмыс тобын құруды тапсырды.