Мемлекет басшысының «Болашақ» бағдарламасын қайта бағдарлау тапсырмасына сәйкес бірқатар жұмыс атқарылды. IT және инженерлік мамандықтарға гранттар саны өткен жылмен салыстырғанда 36-дан 60%-ға дейін ұлғайтылды. Жоғары оқу орындарының тізіміне 23 жетекші техникалық университет енді. Жалпы бұл тізімге әлемнің 26 елінен 236 үздік жоғары оқу орны кіреді. Техникалық мамандарға қатысты тізім жасалып, оған 40 жаңа мамандық енгізілді. Бұл туралы Орталық коммуникациялар қызметі «Халықаралық бағдарламалар орталығы» АҚ басқарма төрағасы Әнуар Жанғозин хабарлады.
«Биыл 14 қазанда «Болашақ» бағдарламасы бойынша құжат қабылдау аяқталды. Оның қорытындысы бойынша өтінімдердің көбі техникалық мамандықтар бойынша келіп түскен. Сондай-ақ алдағы уақытта инженерлік-техникалық мамандар үшін арнайы жеңілдік санаты енгізіліп отыр. Техникалық мамандықты таңдаған үміткерлер құжат тапсырғанда ЖОО-дан шақыруды ұсыну міндетті болмайды. Техника мамандары мемлекеттік тілден емтихан тапсырғаны туралы нәтижесі кемінде В1 ҚАЗТЕСТ сертификатын, шет тілден орташа деңгейін дәлелдейтін халықаралық сертификатын тапсырады. Жеңілдігі бар үміткерлер дипломының орташа баллы – GPA 4,00-тен кемінде 3,00 болу тиіс», - деді спикер.
Брифингтерден хабардар болғыңыз келе ме?
Біздің Telegram каналға жазылыңыз!