Оның айтуынша, еліміздің экологиясына қандай да болмасын әсерді, ең алдымен, бизнес қауымдастық тигізеді. Қоршаған ортаны қорғау мәселесі кез келген өндірістің бүкіл өмірлік цикліне әсерін тигізеді, бұлар: су объектілері, топырақ, ауа, өсімдіктер мен жануарлар әлемі. Осы мәселелердің кез келгенін елемеу қандай болмасын компания үшін тар мойынға айналуы мүмкін, өйткені нәтижесінде айыппұлдар, нұсқамалар және ең бастысы кәсіпорын рейтингінің төмендеуі орын алуы ықтимал.
«Алайда, қазір бизнес қоғам көңіл-күйінің жасыл салаға қарай өзгергені байқалады. Бұрын компаниялардың экологияға әсер ету мәселесінің басымдығы төмен болса, қазіргі кезде, керісінше, табиғатты қорғау тәуекелдері бизнестің беделіне әсер етеді. Сондықтан бүгінгі кезде бизнес өкілдерінің өздері табиғаттың игілігі үшін экологтармен бірігіп жұмыс істеуге тырысады. Отандық ірі бизнес өкілдерінің қатарына Норт Каспиан Оперейтинг Компани Н.В. (NCOC), «Атырау мұнай өңдеу зауыты» ЖШС, «АрселорМиталл Теміртау» АҚ, Казцинк, Ақтөбе мұнай Газ СНПС, ERG компаниялар тобы секілді өнеркәсіптер кіреді. Олардың әрқайсысы экологияға жеке әсер ететіні бәрімізге белгілі. Бұл компаниялар орналасқан өңірлердің тұрғындары күн сайын олардың әсері туралы, соның салдарынан облыс экологиясының нашарлауы туралы шағымдарын айтады. Алайда біздің тараптан тиісті түрде шаралар қабылданып жатыр», - деді спикер.
