«Орталық Азия кинематографының дамуына қосқан үлесі үшін» жүлдесін атақты өзбек режиссері Әли Хамраев алды, ол осы фестивальде халықаралық байқаудың қазылар алқасын басқарады.
«Бүгін Қазақстан жеріне мереке келді – әлемдік кино Сіздерде қонақта. Менің ойымша, қиын уақытта басқа халықтарды жылы қабылдай алатын адамдар тұратын ел керемет! «Еуразия» фестивалі өмір сүреді – бұл ең бастысы! Оған ұзақ ғұмыр тілеймін! Біз осы кинофестивальді сағындық. Фестивальге сәттілік серік болсын! Қазақстан жетістікке жетсін!», - деді өзбек киносының шебері.
Тағы бір арнайы сыйлық – «Қазақ кинематографына қосқан үлесі үшін» – мәдениеттанушы және қоғам қайраткері Мұрат Әуезовке табысталды.
«Егер бір кездері бізде «Динамикалық дамып келе жатқан қазақ киносы», содан кейін «Динамикалық қазақ киносы» бағдарламасы болса, қазір біздің кинематографымыз халықаралық конкурспен тең дәрежеде жеке ұлттық конкурс өткізуге мүмкіндік беретін деңгейге жетті. ХҮІ «Еуразия» кинофестивалінің басты ерекшелігі мен жаңалығы осы», - деді халықаралық фестивальді ұйымдастырушылардың бірі Гүлнар Әбікеева.
Сонымен қатар ол конкурстық бағдарламалардың жоғары деңгейінің дәлелі - бірден төрт картинаның өз елдерінен «Оскар» сыйлығына ұсынылғандығын, фестивальде бірден төрт әлемдік премьера өтетіндігін атап өтті.
Халықаралық байқаудың бірінші күні «Иль Боемо» (Чехия – Италия – Словакия; режиссер Петр Вацлав) және «Әйел» (Қытай; режиссер Ван Чао) фильмдері ұсынылды. Ұлттық – «Тау пиязы» (режиссер Эльдар Шибанов), «Зере» (режиссер Дәурен Қамшыбаев) және «От» (режиссер Айжан Қасымбек). Ал конкурстан тыс «Ерекше оқиға» бағдарламасы болгар режиссері Милко Лазаровтың ұлттық байқауының қазылар алқасының мүшесі «Аға» картинасымен ашылды. Ол бүкіл әлем бойынша және XIV кинофестивальде көптеген марапаттарға ие болған.
