Жобаның мақсаты – жастарды интернет-кеңістікте қауіпсіз жүріс-тұрыс ережелеріне үйрету, интернет-тәуелділіктің және құмар ойындарға тәуелділіктің алдын алу үшін жағдай жасау.
«Жоба аясында бірқатар жұмыс жүргізілді. Атап айтқанда, жастар мен балалар арасында фокус-топтардың сауалнамасын ұйымдастыру және өткізу және интернетке тәуелділік, құмар ойындар және кибербуллинг деңгейі жоғары өңірлерді анықтау үшін өңірлерде үйлестірушілер тағайындалды, олар өз кезегінде 500-ден астам адамның қатысуымен 34 фокус-топтық талқылаулар өткізді. Ақпараттық курстар мен жобаларды іске асыру, жастарды интернет-кеңістікте қауіпсіз жүріс-тұрыс қағидаларына оқыту, кибербуллингтің, интернет-тәуелділіктің және құмар ойындарға тәуелділіктің алдын алу бойынша ақпараттық-түсіндіру материалдарын әзірлеу мақсатында бейне нұсқаулықтар әзірленді және ұйымның әлеуметтік желілеріндегі парақшаларда жарияланатын болады. Сонымен қатар желіде құмар ойындары бар сайттарды анықтау бойынша мониторинг жүргізіліп, нәтижесінде пайдаланушының «ата-ана бақылауы» жеке кабинеттерінде бұғаттауға ұсынылған 16 сайт анықталды. Қолайсыз мазмұнды қамтитын және бұғаттауға ұсынылатын сайттардың «қара каталогы» жасалды», - деді спикер.
Бұдан бөлек, интернет-тәуелділіктің, балалар мен жастарға арналған кибербуллингтің алдын алу бойынша онлайн курс әзірленді және өткізілді, оған өңірлерден 200-ден астам адам қатысты. Онлайн-курсқа қатысушылардың орташа жасы 17 жасты құрады, ал барлық қатысушылардың 80% бұрын кибербуллинг пен интернетке тәуелділіктің алдын алу бойынша онлайн оқытуға қатыспаған.
