«Биылдан бастап қауіпті өндірістік объектілердегі аварияларды тергеп-тексеру бақылау нысандарының біріне жатқызылды. Осыған байланысты аварияларды тергеп-тексеруді ұйымдастыру және жүргізу кезінде Кәсіпкерлік кодекстің ережелері қолданылатын болады», – деді спикер.

Оның айтуынша, бақылау-қадағалау қызметі аясында авариялар мен оқыс оқиғалардың алдын алу мақсатында 2022 жылы 2 450 тексеріс жүргізілді, оның ішінде ерекше тәртіп бойынша 1 355 тексеру және 1 095 жоспардан тыс тексеріс жүргізіліп, нәтижесінде 38 277 нысан тексерілді. Тексеру қорытындысы бойынша барлығы 34 617 өнеркәсіптік қауіпсіздік талаптарын бұзу жағдайы анықталып, 254 млн теңгеден астам сомаға 1 708 әкімшілік айыппұл салынды.

Адамдардың өмірі мен денсаулығына зиян келтіру қаупін туғызатындай өнеркәсіптік қауіпсіздік талаптарын өрескел бұзғаны үшін қауіпті өндірістік объектілердің 733-і тоқтатылды.