«Былтыр тамыз айында жоспар бекітілді. Жоспар нақты 9 тармақтан тұрады. Жергілікті органдар мен орталық органдарға тапсырмалар берілген. Бірден-бір орындалған іс-шаралар: Сағадат Нұрмағамбетовтің өскен жерінде Ақкөл ауылында Ақмола облысының әкімдігімен бірге сквер ашылып жатыр. Оның төрінде Сағадат Нұрмағамбетовке ескерткіш ашылатын болады. Оны Бүркітбаев деген танымал мүсінші жасады. Ол комиссиядан өтті. Мақұлданды. Биіктігі 5.8 метр. Материалы – қола. Мамыр айында осы мүсін толыққанды ашылады», – деді спикер.
Сондай-ақ Құрлық әскерлерінің әскери институтында курсанттардың өмірінен сыр шертетін телехикаясының түсірілімі аяқталды. Отандық телеарна экранында 2024 жылдың 7 мамырында оның тұсаукесері өтеді.
«Алматыда әскери жаяу институтының базасында 40 минуттық 20 сериялық фильм тәмәмдалып қалды. Осы кісінің омірлік жолымен қабаттас жас курсанттың өмір жолы көрсетіледі. Ол 7 мамырда «Qazaqstan» арнасында көрсетіле бастайды. Мәдениет және ақпарат министрлігімен пошталық маркадағы бейнесі мақұлданды. Ол бүкіл әскери бөлімдерге жіберілді. Бұдан басқа, бұл кісінің 3 кітабы жаңғыртуға берілді», – деді ведомство өкілі.
ҚР ҚК Тәрбие және идеологиялық жұмыс департаментінің бастығы әділет полковнигі Тілеухан Басқожаев Рақымжан Қошқарбаевтың 100 жылдығына орай осыған ұқсас іс-шаралар өткізілетінін атап өтті. Кешенді жоспар Үкіметке жолданды.
