Оның айтуынша, Комиссия да бұл жобаға едәуір қолдау көрсетті.
«Пойыз бір стансаға келіп тоқтаса, басқа ауылдардан арнайы машинамен барып, оы пойызға алып келуді де ұйымдастарды. Әкімдіктер де көмектесті. Кезек болған жағдайда шатыр тігіп, концерт ұйымдастыру шараларын Комиссия өткізді», – деді спикер.
Сондай-ақ 24 мамырда әйелдердің репродуктивті денсаулығы мәселесі Ұлттық комиссия отырысында қаралды. Жасөспірім қыздарға медициналық қызмет көрсету және құнарлы жастағы әйелдермен акушерлік-гинекологиялық қызмет көрсету қақырыбы қозғалды. Мамандардың айтуынша, жасөспірімдердің қауіпті жыныстық мінез-құлқының қаупі, олардың репродуктивті денсаулық туралы білімінің төмен деңгейі байқалады.
Акушерлік, гинекология және перинатология ғылыми орталығы, жыныстық және репродуктивті денсаулық жөніндегі қазақстандық қауымдастық, ЮНФПА срапшыларының пікірінше, қалада да, ауылда да тұратын қазақстандық әйелдердің репродуктивті мінез-құлқының қазіргі тенденциялары ретінде жастарға аз балалы болуға таңдау, егде жаста балаларды дүниеге әкелуі, жас әйелдердің жүктілігін жиі жасанды түрде тоқтатуды айтуға болады. Мәселе, Қазақстандағы әрбір алтыншы жүктілік абортпен аяқталады.
Бұл проблема кешенді тәсілді, жасөспірім қыздар мен әйелдердің репродуктивті мінез-құлқының барлық факторлары мен ерекшеліктерін зерттеуді қажет етеді. Қыздар мен әйелдердің репродуктивті денсаулығын сақтау мәселесі өткір тұр. Әйелдер арасында онкологиялық аурулардың өсуі байқалады, жатыр мойны обыры және сүт безі обыры жиі кездеседі.
Контрацепция туралы білімнің жоғары деңгейіне және оны қолдануға деген ұмтылысқа қарамастан, халықтың контрацепция құралдарына қол жетімділігі айтарлықтай шектеулі. ЮНФПА жүргізген әлеуметтанулық зерттеулерге сәйкес, халықтың қазіргі заманғы контрацепция құралдарын аз пайдалануының негізгі себебі халықтың осал топтарын, соның ішінде жоғары тәуекел топтарын өте төмен тегін мемлекеттік қамтамасыз ету кезінде олардың елдің фармацевтикалық нарығындағы жоғары құны болып табылады.
«Сарапшылар әйелдердің ұрпақты болу денсаулығын сақтау үшін инфрақұрылымның үздіксіз жұмыс істеуі мәселесінің жоғары өзектілігін атап өтті. Бұл мәселе әйелдер консультацияларына, перзентханаларда, отбасын жоспарлау кабинеттеріне, ауылдық ауруханаларға, фельдшерлік пункттерге, жастар денсаулық орталықтарына қатысты. Бұл қызметтерге әдістемелік көмек, қаражат жағынан да көмек қажет. Аналар мен балалардың денсаулығына қатысты мәселелер көбінесе жедел медициналық көмектің қол жетімділігіне байланысты. Біздің сарапшылар уәкілетті органды ең алдымен осы аспектілерге назар аударуға шақырады», – деді спикер.
Репродуктивті денсаулықты сақтау мәселесі жалпыұлттық маңызға ие. Босану кезінде аналардың өлімін азайтуға мүмкіндік беретін шаралар кешенін қабылдау қажет. Барлық уәкілетті органдардың белсенді дәйекті жұмысы қажет. Елде «отбасын жоспарлау» кабинеттерінің жеткілікті саны жұмыс істейді, алайда жүктіліктің 40% – ы жоспарланбаған, ал прегравидарлық дайындықтан өткен жұптардың үлесі 30%-дан аспайды.
