ТЖМ «Қазгидрометпен» бірлесіп алдағы су тасқыны кезеңін болжау үшін күшейтілген мониторингке көшіп, апта сайын қар қорын тексереді. «Қазгидромет» алдын ала берген болжам бойынша Ақмола облысындағы Шағалалы өзенінің бассейнінде ылғал қоры нормадан 54%-ға, Солтүстік Қазақстандағы Есіл өзенінің бассейнінде 50%-ға және Ақтөбе облысындағы Ілек өзенінің бассейнінде 39%-ға артық.
Ақмола облысы, СҚО, Қостанай, Қарағанды аумағындағы Есіл өзенінде көктемгі ылғалдану байқалады. Еліміздің қарлы аймақтарындағы жағдай туралы ТЖ министрі Юрий Ильин Орталық коммуникациялар қызметінде өткен брифингте баяндады. Ол сондай-ақ ықтимал тәуекелдерді атап өтті.
«Алдағы су тасқыны кезеңінде өткен жылдармен салыстырғанда топырақтың қатып қалуының артуы неғұрлым проблемалы болып отыр. Кейбір аймақтарда әдеттегі нормативтік бақылаулардан 70 см-ге дейін жоғары, бұл, тиісінше, қарқынды еру және қатты жауын-шашын кезінде, еңісті еріген су тасқыны құбылыстарының пайда болуына әкелуі мүмкін. Қазіргі кезде су ресурстары комитетінің бөлімшелері су қоймаларының толымдылығы бойынша мониторинг жүргізеді. Су қоймалары штаттық режимде жұмыс істейді, қар еріген кезде біртіндеп транзиттік жұмыс режиміне көшеміз. Бұл келетін суды шоғырландыруға және оны көктемгі су тасқыны кезеңінде кедергісіз өткізуге мүмкіндік береді», - деп сендірді ведомство басшысы.
Алдағы күндері «Көктем-2021» республикалық командалық-штабтық оқу-жаттығу өткізу жоспарланған. Оның барысында азаматтық қорғау мемлекеттік жүйесінің әзірлігі тексеріледі. Күштер мен құралдарды жедел жеткізу және зардап шеккен адамдарды жедел эвакуациялау үшін «Қазавиақұтқұтқару» АҚ 20 әуе кемесі дайын тұр. Ресми мәліметтер бойынша, су тасқыны жағдайының ықтимал күрделенуіне ден қою үшін авариялық-құтқару бөлімшелерінің күштері мен құралдарының тобы құрылды. Бұл 10 мыңнан астам қызметкер және 1,8 мыңнан астам бірлік техника. Халықты құлақтандыру мәселелері де пысықталды.
«Су тасқыны қаупінің алдын алу және оларды жою жөніндегі шаралар кешені» Жол картасы шеңберінде төрт жыл ішінде (2017-2020 жж.) 315 елді мекенде су басу қаупін толығымен жоюға және 314 елді мекенда азайтуға мүмкіндік берді. Биыл ел бойынша әкімдіктер төтенше резервтер мен шұғыл шығындарға арналған резервтерге 38,1 млрд теңге бөлді. Елді мекендерден қар шығару жұмыстары жалғасуда, бүгінгі күні елді мекендерден 14,7 млн текше метр қар шығарды.
