Бір айдың ішінде Шығыс Қазақстанда мониторингтік топтар саны екі есеге артты. Енді өңірдегі санитарлық-эпидемиологиялық жағдайды 167 мобильді топ бақылайды. Мұндай мәліметтерді Орталық коммуникациялар қызметінде өткен брифингте облыс әкімі Даниал Ахметов келтірді. Өңір басшысы олардың жұмысының нәтижелерімен бөлісті.
«1 қыркүйектен 10 қарашаға дейін 4 мың рейд жүргізіліп, 10 мыңнан астам нысан қамтылды. Санитарлық ережелер мен нормаларды бұза отырып жұмыс істейтін 1,5 мыңға жуық бизнес субъектісі анықталды. Осылайша, жалпы сомасы 70 млн теңгеге айыппұл салынды. Сонымен қатар демалыс және мереке күндері азық-түлік емес сектор нысандарының жұмысына тыйым салу, сауда орталықтарының, ойын-сауық мекемелерінің және халық көп жиналатын басқа да нысандардың жұмысын шектеу бойынша шектеу шаралары қабылданды. Облыс аумағына кіру блок-бекеттермен, сондай-ақ Өскемен, Алтай, Серебрянск, Риддер және Глубокое аудандарына кірц шектелді», - деп еске салды Ахметов.
Сарапшылар шектеу шараларының нәтижелерін көріп отыр. Жағдайды жақсарту үрдісі байқалды. Қарашаның басымен салыстырғанда R репродуктивті саны 1,85-тен 0,97-ге дейін төмендеді, төсек қорының жұмыспен қамтылу пайызы 31,1-ден 17,6-ға дейін азайды. Вирус жұқтырғандар саны 7 қарашадағы ең жоғары көрсеткіш 353-тен бүгінде 242 адамға дейін азайды.
