Қазақстандықтар өртте отбасыларымен қаза болуды тоқтату үшін қандай шаралар қабылдауы қажет? Жергілікті жерлерде ТЖД қызметкерлері бұл мәселені бақылауға ала ала ма? Орталық коммуникациялар қызметінде өткен брифингте журналистің ТЖ министріне үндеуі оқылды.
Юрий Ильиннің айтуынша, ТЖМ тарапынан жеке тұрғын үй қорының өртке қарсы жағдайын бақылау қарастырылмаған. Бірақ түсіндіру жұмыстары, соның ішінде газбен жылыту жүйесі бар тұрғын үйлердің иелерімен жүйелі түрде жүргізіледі. Тұрғын үйді тексеру және ұсыныстар беру тек тұрғын үй иелерінің келісімімен ғана жүзеге асырылады.
«Тұрғын үйді дұрыс пайдалану және оның қауіпсіздігін қамтамасыз ету жауапкершілігі тікелей азаматтардың өздеріне жүктеледі. Заң бойынша біз тұрғын үйге кірмейміз, сондықтан азаматтар өз үйлерін қауіпсіз пайдалануды қамтамасыз ету бойынша барлық шараларды қабылдауы қажет. Біз түрлі өтініштер, соның ішінде рейдтік іс-шаралар өрттердің аз болуына барынша ықпалын тигізгенін қалаймыз, үміттенеміз. Жалпы, өткен жылмен салыстырғанда өрттер саны 7%, жарақат алғандар саны 9% азайды, бірақ, өкінішке орай, статистика өткен жылдармен салыстырғанда улы газбен уланудан, өрт пен газ баллон жабдығының жарылысынан кейінгі өлім жағдайларының саны артқанын көрсетті», - деді Юрий Ильин.
Ведомство басшысы жылыту маусымы әлі де жалғасып жатқанын атап өтті. Сондықтан отты абайсыз қолдану салдарынан орын алатын қайғылы оқиғалардың алдын алу үшін барынша сақ болып, балаларды үйде жалғыз қалдырмау керек.
Ол сондай-ақ абайсыздықтан орын алған оқиғалардан мысалдар келтірді. Қамқорлыққа алынған үйлерде демеушілік ақшаға орнатылған датчиктер жұмыс істемейді, өйткені батареясы отырып қалған, немесе тұрғындары оны қажетсіз деп санап сатып жіберген. Жыл басынан бері газдың немесе түтіннің шығуы туралы 3 сигнал келіп түскен. Бұл отбасылардың өмірі құтқарылды.
