Мемлекеттік басқарудың жаңа «адамға бағдарланған» моделінде елдегі құқық үстемдігі мен қауіпсіздікті қамтамасыз етуге арналған сот және құқық қорғау жүйелеріне ерекше назар аударылатын болады. Қоғамның соттарға деген сенімін нығайту үшін сот билігінің тәуелсіздігін қамтамасыз етуге бағдарланған сот әкімшілігін жүргізудің қағидатты жаңа тәсілдері қалыптастырылады. Бұл туралы ОКҚ өткен брифингте ҚР Стратегиялық жоспарлау және реформалар агенттігінің басшысы Қайрат Келімбетов мәлімдеді.