Нұр-Сұлтанда коронавирустық инфекция бойынша бүгінгі жағдай тұрақсыз, індеттің өршуі бойынша елорда әлі де қызыл аймақта. Инфекцияны жұқтырып алу 25%-ға өсті. Бұл туралы Орталық коммуникациялар қызметінде өткен брифингте Нұр-Сұлтан қаласының қоғамдық денсаулық сақтау басқармасының басшысы Тимур Мұратов хабарлады. Оның айтуынша, пандемияның өршіген шағымен салыстырғанда, эпидемиологиялық жағдай өткен жылдың жаз айларына ұқсас болып келеді.