Бүгінде бүкіл әлем тек вакцинацияның карантинсіз өмірге оралуға мүмкіндік беретінін түсінді. Бүгінгі күні еліміз бойынша 1 184 124 адам бірінші компонентпен және 239 965 адам екінші компонентпен вакцинацияланды. Халықты вакцинациялаумен барынша қамтамасыз ету үшін 1 мыңнан астам егу пункті ашылды және 400 жылжымалы/көшпелі егу пункттері іске қосылды. Жаппай вакцинациялауға 11 мыңға жуық медицина қызметкері тартылды. Вакцинация елдегі эпидемиологиялық жағдайды тұрақтандыруға мүмкіндік береді. Бұл туралы Денсаулық сақтау министрлігінің басшысы Алексей Цой халықпен есептік кездесуінде мәлімдеді.