Мемлекет басшысының 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» Қазақстан халқына Жолдауында берілген тапсырмаларды іске асыру шеңберінде министрлік денсаулық сақтауды дамытудың 2020-2025 жылдарға арналған мемлекеттік бағдарламасын ұлттық жобаға трансформациялау бойынша жұмыстарды бастады. Оның негізгі бағыттары «Денсаулық сақтауды дамыту», «Эпидемиологиялық болжау мен ден қоюдың қазіргі заманғы жүйесін қалыптастыру», «Қазақстанның отандық фармацевтикалық өнеркәсібін қалыптастыру», «Бұқаралық спортты дамыту» болып табылады. Ұлттық жобаның негізгі индикаторы 2025 жылы өмір сүру ұзақтығының 75 жасқа дейін өсуі болып табылады. Бұл туралы халыққа есеп беру кездесуі барысында ведомство басшысы Алексей Цой мәлімдеді.