Ең алдымен, 2020 жылы Мемлекет басшысының тапсырмасы бойынша сала қызметкерлерін әлеуметтік қолдау шаралары қабылданды. Бұл еңбекақыны көтеру, арнайы ай сайынғы ақшалай төлемдер, қосымша жүктеме үшін қосымша төлемдер белгілеу, туындылардың авторларына қаламақы төлеу, қызметкерлердің тұрғын үй жағдайларын жақсарту. Бұл туралы халыққа есеп беру кездесуінде ҚР Мәдениет және спорт министрі Ақтоты Райымқұлова мәлімдеді. Оның айтуынша, мемлекеттік әлеуметтік тапсырыс аясында алғаш рет шығармашылық одақтарды қолдауға қаражат бөлінді.