Еліміздің су айдындарында қауіпсіздікті қамтамасыз ету мақсатында, ТЖ Министрлігі мемлекеттік органдармен және әкімдіктермен бірлесіп, ағымдағы шомылу маусымында су айдындарында төтенше жағдайлардың туындау қаупін азайту бойынша алдын ала жұмыстар бастады және ұйымдастырушылық және практикалық іс-шаралар кешенін жүргізуде. Бұл туралы Орталық коммуникациялар қызметінде өткен брифингте ҚР ТЖМ Азаматтық қорғаныс және әскери бөлімдер комитетінің төрағасы Бауыржан Сыздықов хабарлады. Ел бойынша комиссия отырыстарының қорытындылары бойынша шомылуға рұқсат берілген 469 орын белгіленді, оның ішінде 118-і коммуналдық, 275-і жеке жағажайлар.