Жыл басынан бері Павлодар облысында шағын және орта бизнес субъектілерінің саны 350-ге өсіп, тауар айналымы 30 млрд теңгеден астам артты. Мемлекеттік шаралардың арқасында бизнестің 1,5 мың жобасына 34 млрд теңгеден аса қаржылай көмек көрсетілді. Жыл соңына дейін кем дегенде тағы 700 кәсіпкерге қолдау көрсетілмек. Бұл туралы Орталық коммуникациялар қызметінде өткен брифингте аймақ басшысы Әбілқайыр Сқақов хабарлады.