ҚР Тұңғыш Президенті Нұрсұлтан Назарбаев олимпиадашылармен жеке кездесіп, оларға команда Олимпиада ойындарының ашылу рәсіміне алып шығатын Мемлекеттік Туды тапсыру дәстүрінің негізін қалады. Бұл дәстүрді Мемлекет басшысы Қасым-Жомарт Тоқаев жалғастыруда. Бүгін ол Олимпиада командасымен кездесіп, спортшыларға сәттілік тілеп, олимпиадалық ту ұстаушыларға Мемлекеттік Туды табыс етті. Ту ұстаушылардың кандидатураларын Қазақстан Ұлттық Олимпиада комитетінің Атлеттер комиссиясы ұсынды. Екі спортшы да өз спортында көшбасшы болып табылады. Бұл туралы Орталық коммуникациялар қызметінде өткен брифингте ҚР ҰОК Бас хатшысы Андрей Крюков айтып берді.