Кейбір азаматтар теориялық емтихан тапсырудың амалдарын іздейді, бұл құпия емес. Мысалы, емтиханға басқа адам кіреді, әртүрлі гаджеттер мен басқа да іс-әрекеттер жасауға тырысады. Сыбайлас жемқорлық тәуекелдерін болдырмау мақсатында ағымдағы жылдың сәуір айында Алматыда Ustudy-мен бірлесіп теориялық емтихан тапсырудың пилоттық жобасы іске қосылды. Орталық коммуникациялар қызметінде өткен брифингте «Азаматтарға арналған үкімет» мемлекеттік корпорациясы» КЕ АҚ басқарма төрағасының бірінші орынбасары Сүйеніш Әбділдин жүйенің қыр-сырымен таныстырып өтті.