2015 жылы Димаш Құдайберген «Славян базары» фестивалінде гран-при иегері атанды, содан бері талай өнерпаздарымыз конкурста жүлдегер атануда. Байқауға Әділхан Макин, Луиза Нұрхатова және Дәурен Оразбековтер секілді өнерпаздар қатысты. Бүгінде осы жұлдыздардың барлығы қазақ өнері мен мәдениеті саласында қызмет етуде, еліміздің мәдениетін әлемге танытып жатыр. Бұл туралы Орталық коммуникациялар қызметі алаңында өткен брифингте ҚР мәдениет және спорт вице-министрі Нұрқиса Дәуешов мәлім етті. Биыл «Славян базары» фестивалінде Рухия Байдүкенова гран-при иегері атанды.