Қазгидрометтің мәліметінше, шілде айында ауа температурасы нормадан 1-2° жоғары болған. Жауын-шашын тапшылығы өрт қаупін арттырды. Өрт қауіпті кезең басталғаннан бері республикада 485 орман өрті және 2000-нан астам дала өрті тіркелді. Табиғи өрттердің туындау тәуекелін болдырмау және азайту мақсатында орталық және жергілікті атқарушы органдар алдын алу шаралары кешенін жүргізеді. Оларды Орталық коммуникациялар қызметінде өткен брифингте ҚР ТЖМ өртке қарсы қызмет комитеті төрағасының орынбасары Марат Хасенов мәлімдеді.