«Өрлеу» Біліктілікті арттыру ұлттық орталығы педагогтарды ЖОО-дан кейінгі оқыту бойынша Қазақстандағы ең ірі ұйым ретінде «Ппедагогтардың цифрлық құзыреттілігін дамыту» атты онлайн оқыту курсын әзірледі. Ол жұмыс істеп жүргендерге ғана емес, болашақ мұғалімдерге де арналған. Ұйымның басқарма төрайымы Әсел Мұхаметжанова Орталық коммуникациялар қызметінде өткен брифингте сөйлеген сөзінде жоғары оқу орындарының, педагогикалық мамандықтар колледждерінің студенттерін мектептегі жұмыстың бірінші күнінен бастап цифрлық ортаға сенімді түрде ену үшін оқуға шақырды.