ҚР Индустрия және инфрақұрылымдық даму вице-министрі Берік Камалиев Орталық коммуникациялар қызметінде өткен брифингте автожол саласында атқарылып жатқан жұмыстар мен инфрақұрылымды дамытуға бағытталған «Нұрлы Жол» мемлекеттік бағдарламасы аясында алға қойылған міндеттер туралы баяндады. Оның айтуынша, автожол саласын дамыту үшін Инфрақұрылымды дамытудың 2020-2025 жылдарға арналған «Нұрлы Жол» мемлекеттік бағдарламасы әзірленді. Ағымдағы жылдан бастап ол «Қуатты өңірлер: ел дамуының драйвері» ұлттық жобасына айналады.