Соңғы жылдары әлем жерсеріктік навигацияны, цифрлық картографиялауды, геокеңістіктік технологияларды кең ауқымды енгізу мен пайдалануға жылдам көшумен сипатталатын геодезия және картография саласының маңыздылығы едәуір артты. Қазақстан да қалыспауда. 2021 жылдан «Цифрлық Қазақстан» аясында геодезия және картография саласындағы ең ауқымды жоба - Ұлттық кеңістік деректер инфрақұрылымы (ҰКДИ) іске асырыла бастады. Іске асыру кезеңі 4 жылды қамтиды. Бұл туралы Орталық коммуникациялар қызметінде өткен брифингте ҚР ЦДИАӨМ геодезия және картография комитетінің төрағасы Қажмұхан Бекмұқашев хабарлады. ҰКДИ саланың бірқатар проблемалық мәселелерін шешеді.