«Хабар 24» арнасы Солтүстік Қазақстан облысының тұрақтандыру қорына сатып алынған дәрілер мен медициналық бұйымдар қоймаларда жатқанын, тіпті сатылмайтынын хабарлады. Әңгіме 250 млн теңге туралы болып отыр. Бұл қалай болды және одан әрі не болады – журналистер Орталық коммуникациялар қызметінде өткен брифингте осы жайлы сұрады. Әкімнің орынбасары Асқар Сақыпкереев жағдайды «олқылық» деп атап, проблемалар жоқ екеніне сендірді.