Күзгі дала жұмыстарын жүргізу және жем-шөп дайындау үшін ауыл шаруашылығы тауарын өндірушілерге 440 мың тонна дизель отыны бөлінді. Ресурс ұстаушылардың босату бағасы «ПМХЗ» ЖШС және «ПКОП» ЖШС тоннасына 189 мың теңге немесе литріне 159 теңге, және «АМӨЗ» ЖШС тоннасына 187 мың теңге немесе ҚҚС қосқанда литріне 159 теңге құрайды. Жеткізу мен сақтауды ескерсек, дизель отынының бағасы өңірге байланысты шамамен 175-180 теңгені құрайды, бұл ЖМҚС бағасынан арзан. Бұл туралы Орталық коммуникациялар қызметінде өткен брифингте ҚР Энергетика министрлігінің мұнай тасымалдау және өңдеу департаментінің директоры Бауыржан Сәлімгереев мәлім етті.