Қабылданған шектеу шаралары мен кезең-кезеңмен вакцинациялау оң нәтижелерін беріп, аурушаңдықтың төмендеуіне және өңірдің «қызыл» аймақтан шығуына әсерін тигізді. Бұл туралы Орталық комуникациялар қызметінде өткен брифингте Батыс Қазақстан облысы әкімінің орынбасары Айдар Нұралиев мәлімдеді. Жыл басынан бері өңірде коронавирус инфекциясын жұқтырған 27 849 адам тіркелді. 100 мың тұрғынға шаққандағы көрсеткіш 4088 жағдайды құрады. Бүгінгі таңда 22 350 адам дерттен жазылып шықты.