Шымкент қаласында жыл басынан бері коронавирус жұқтырған 34 416 науқас анықталды. Емделіп шыққан науқастар саны – 32 682, 1294 науқас ем қабылдап жатыр. Өткен тәулікте COVID-19 инфекциясын жұқтырған 29 адам тіркелді. Орталық коммуникациялар қызметінде өткен брифингте Шымкент қаласы әкімінің бірінші орынбасары Шыңғыс Мұқан осындай мәліметтерді келтірді. Оның айтуынша, қалада ковидтің ықтимал толқынына үш сценарий бойынша дайындық жүргізілген.