Қазақстанда Жалпыұлттық халық санағының аясында үйлерді аралау кезеңі басталды. Санаққа онлайн қатысқан азаматтарға интервьюерлер сауалдарына қайталап жауап берудің қажеті жоқ. Бұл туралы Орталық коммуникациялар қызметінде өткен брифингте ҚР СЖРА Ұлттық статистика бюросының басшысы Нұрболат Айдапкелов мәлімдеді. Спикер республика бойынша санақ персоналы ретінде 23 мың адам жұмысқа тартылғанын атап өтті. Олардың ішінде 2600 нұсқаушы-бақылаушы және 20 мыңнан интервьюер. Олардың барлығы 18 жастан асқан, COVID-ке қарсы вакцина алған, планшет, компьютермен жұмыс істей алатын азаматтар. Сауалнама жүргізетін қызметкерлер жұмысында планшетті қолданатын болады.
«Халық санағы-2021» шарасы аясында интервьюерлермен үйлерді аралау кезеңі басталды
Тегтер:
денсаулық сақтау