Коронавирустық инфекциямен күресу үшін Қарағанды облысында қысқа мерзімде заманауи емдеу-диагностикалық жабдықтармен жабдықталған түрлі деңгейдегі стационарлар мен емханаларды біріктіретін кластерлік жүйе құрылды. Жағдай күрделенген кезде облыста 5 679 төсек-орын, оның ішінде 434 реанимациялық орын ашылды. Эпиджағдайдың тұрақтануына байланысты қазір төсек-орын қуаты 3 353-ке дейін төмендеді, оның төрттен бір бөлігі ғана жұмыс істейді. Реанимацияда 44 адам жатыр. Орталық коммуникациялар қызметінде өткен брифингте Қарағанды облысы әкімінің орынбасары Ермек Алпысов осындай мәліметтерді жария етті.