Мемлекет басшысы соңғы жылдары Қазақстанда, сондай-ақ бүкіл дүние жүзінде адам саудасымен байланысты жағдайға жыл сайын назар аударады, өйткені заңсыз байып кетудің көрсетілген заңсыз түрі азаматтарға физикалық зиян келтіреді және олардың құқықтары мен бостандықтарын тікелей бұзады. Мемлекет басшысының «Жаңа жағдайдағы Қазақстан: іс-қимыл кезеңі» атты 2020 жылғы 1 қыркүйектегі Қазақстан халқына Жолдауында көрсетілген тапсырмасын іске асырудың нәтижесінде 2021 жылы Қазақстан көрсетілген мәселе бойынша өз қалпын жақсартты, халықаралық қауымдастық осыны жалпы ерекше атап өтті. Осылайша, АҚШ Мемлекеттік департаментінің 2021 жылғы Адам саудасы туралы баяндамасына сәйкес - Қазақстан екінші санатқа ауыстырылды және елде осы бағытта «айтарлықтай жұмыстар» қолға алынғаны айтылды. Орталық комуникациялар қызметінде өткен брифингте ІІМ Тергеу департаментінің бастығы Санжар Әділов осындай мәліметтерді келтірді.