Қазақстанда адам саудасы бағытында қылмыстық заңнамада 8 бап бойынша жауапкершілік қарастырылған. Биыл ҚК 134-бабына сәйкес 6 дерек тіркелді, оның ішінде үшеуі ғаламтор ресурстарын пайдалану арқылы жасалғаны анықталды. Сондай-ақ, 128-бап Адам саудасы бойынша ҚК жалпы өндірісте 49 іс болса, оның 9-ы биыл тіркелді. Бұл туралы Орталық Коммуникациялар қызметінде өткен брифингте ІІМ Тергеу департаменті ұйымдастыру-әдістемелік басқармасы бастығы полиция подполковнигі Ермек Шүлден журналистердің сұрағына берген жауабында мәлімдеді.