Халықтың денсаулығын нығайту мақсатында елордада халықты коронавирусқа вакциналау жалғасуда. Деректерге сәйкес, вакциналауға жататын халықтың көп бөлігі екпе алды. Бұл туралы Орталық коммуникациялар қызметінде өткен брифингте Нұр-Сұлтан қаласының қоғамдық денсаулық сақтау басқармасының басшысы Тимур Мұратов мәлім етті. Ол бұл мәселеде халықтың вакцинацияға саналы көзқарасы және коронавирустың таралуын болдырмауда өзінің азаматтық ұстанымын көрсету шешуші рөл атқаратынын атап өтті.