Мемлекеттік қолдаудың нәтижесінде мал шаруашылығында бүгінде мал саны 1991 жылғы деңгейден асып отыр. Жайылымдық жерлердің тиімділігін арттыруға және шалғайдағы мал шаруашылығын дамытуға ерекше назар аударылады. Ол үшін пайдаланылмаған жайылымдардағы 452 су көзін жөндеу жоспарланған. Бұл шамамен 1,7 млн гектар жерді пайдалануға мүмкіндік береді. Бұл туралы Қызылорда облысының әкімі Гүлшара Әбдіқалықова Орталық коммуникациялар қызметінде өткен брифингте мәлім етті.