Бүгінгі күні «Мүгедек адамдарды әлеуметтік қорғау» ақпараттық порталында (inva.gov.kz) өңірлер бөлінісінде объектілерге қолжетімділік картасы бар, онда ел бойынша 35 мыңнан астам әлеуметтік инфрақұрылым объектілерінің бейімделуі туралы мәліметтер қамтылған. Аталған нысандар 3 қолжетімділік санатына бөлінген: «қолжетімді», «ішінара қолжетімді», «қолжетімді емес». Бұл туралы Орталық коммуникациялар қызметінде өткен брифингте ҚР ЕХӘҚМ Еңбек, әлеуметтік қорғау және көші-қон комитеті төрағасының орынбасары Анархан Дүйсенова мәлімдеді.