Бүгін Орталық коммуникациялар қызметінде өткен брифингте ҚР ИИДМ автомобиль жолдары комитетінің төрағасы Төлеген Абдуллин Қазақстан Республикасының аумағында республикалық маңызы бар автомобиль жолдарының ақылы учаскелерін енгізу мәселесі бойынша хабардар етті. 2021 жылғы 10 шілдедегі Үкіметтің кеңейтілген отырысында мемлекет басшысы атап өткендей, «ақылы жолдарды енгізу – әлемдік тәжірибеге сай дұрыс шешім. Себебі жер көлемі үлкен елде тек бюджет есебінен жол салу мүмкін емес. Оның үстіне Қазақстан жүк тасымалынан пайда табуы керек».