Төрт түлік малды жем-шөппен қамтамасыз ету бойынша оңғы жылдары ауа райының қолайсыздығына, жауын-шашынның аз мөлшерде түсуі ауыл шаруашылығы саласында біраз қиындықтар тудырды. Осыны ескере отырып, қысқы маусымнан шығу үшін қажет жем-шөппен қамтамасыз ету бойынша мамандармен келісе отырып, шаралар қабылданды. Бұл туралы Орталық коммуникациялар қызметінде өткен брифингте Маңғыстау облысының әкімі Нұрлан Ноғаев баяндады. Өңірде қысқы мал азығының қорын қалыптастыру үшін 77 мың тонна шөп пен 53 мың тонна жем қажет. Бүгінде өңірге 70 мың тонна шөп пен 41 мың тонна жем тасымалданды. Барлық ауданда жем-шөп жинау базалары жасақталды.