Жылыту маусымы жалғасуда. Қарағанды облысының барлық жылумен жабдықтау объектілері штаттық режимде жұмыс істеп жатыр. Биыл Балқаш ЖЭО-нан Қоңырат шағын ауданына дейін магистралды жылу желілері салынды. Шахтинск қаласының Шахан кентінде орталық қазандық пен магистралды жылу желілерінің құрылысы аяқталды. Жүргізіліп жатқан жұмыстар туралы өңір басшысы Жеңіс Қасымбек Орталық коммуникациялар қызметінде өткен брифинг барысында айтып берді.