Жиырма жылда елорда тұрғындарының саны 3 есе өсіп, 1,2 миллион адамнан асты. Халық санының артуы «уақытылы» шешімдерді қажет етеді: адамдар неғұрлым көп болса, сұраныс соғұрлым артады. Бұл инфрақұрылымдық сипаттағы мәселелер, қолжетімді баспана құрылысы, инвестициялар тарту, жаңа жұмыс орындарын құру, инженерлік желілер мен әлеуметтік нысандар салу. Бұл туралы Орталық коммуникациялар қызметінде елорданың әлеуметтік-экономикалық дамуын қорытындылаған қала басшысы Алтай Көлгінов мәлімдеді.