Президенттің тапсырмасы бойынша 2025 жылға дейін салынатын 1000 мектептің әрбір 10-сы Шымкент қаласында салынатын болады, яғни 101 мектеп. Биыл 32 мектептің құрылысы жүріп, 11 764 орындық 25 мектеп пайдалануға берілді. Нәтижесінде апатты мектептер мәселесі толығымен шешіліп, 14 үш ауысымды мектептер саны 9-ға дейін азайды. 2025 жылы қалада үш ауысымды және мектебі жоқ шағынаудандар мәселесі де толығымен шешіледі. Бұл туралы Орталық коммуникациялар қызметінде өткен брифингте қала басшысы Мұрат Әйтенов хабарлады.