Президенттің бастамасымен елімізді ауқымды көгалдандыру қолға алынды. Оның аясында 5 жыл ішінде 2 млрд ағаш отырғызу жоспарланған. Барлық өңірлерде ормандарды молықтыру мен орман өсірудің кешенді жоспарлары бекітілді. Тиісті Штаб құрылды. Биыл ағаш отырғызу жоспары толық орындалды. 62 мың га аумаққа 130 млн ағаш егілді, осы бағыттағы жұмыстар жалғасын табады. Бұл туралы Орталық коммуникациялар қызметінде өткен брифингте ведомство басшысы Серікқали Брекешев мәлімдеді.