Бүгінгі таңда министрлік әзірлеген Жоспар-кесте жобасына 233 спорт нысаны енгізілген, оның ішінде 199 жаңа объекті құрылысы, 28-і қайта жаңартылып, жаңғыртылады, 6-ы толық жарақтандырылады. 2021 жылдың қорытындысы бойынша елімізде 590 жабық спорт кешені бар, оның 125-і мүмкіндігі шектеулі адамдар үшін дене шынықтырумен және спортпен айналысуға бейімделген. Нәтижесінде дене шынықтырумен және спортпен жүйелі түрде айналысатын ерекше қажеттіліктері бар халықтың үлесі 13,2% құрады. ҚР Мәдениет және спорт министрі Ақтоты Райымқұлова Орталық коммуникациялар қызметінде өткен брифингте осындай мәліметтерді жария етті.