Токиодағы Олимпиада ойындарында спортшылардың нәтижелілігіне жүргізілген талдау Қазақстан Республикасындағы спортты толық трансформациялау, жоғары жетістіктер спортын басқарудың қазіргі тетіктерін реформалау қажеттілігін көрсетеді. ҚР Мәдениет және спорт министрлігінің бастамасымен «Спортты Трансформациялау» жобалық кеңсесі құрылды, оның құрамына Парламент депутаттары, Ұлттық Олимпиада комитетінің, Ұлттық паралимпиада комитетінің, спорт федерацияларының басшылары, Олимпиада чемпиондары, Әлем чемпиондары, танымал жаттықтырушылар, ұлттық компаниялардың басшылары және азаматтық қоғам көшбасшылары кірді. Бұл туралы ведомство басышсы Ақтоты Райымқұлова Орталық коммуникациялар қызметінде өткен брифингте хабарлады.