Электр энергетикасы жүйесінің үздіксіз және сенімді жұмысы елді одан әрі дамытудың маңызды шарттарының бірі болып табылады. Бүгінгі күні ҚР бірыңғай энергетикалық жүйесі өзін-өзі теңгерімдеу режимінде жұмыс істейді, бұл ретте ең жоғары жүктеме сағаттарында электр қуаттарының жетіспеушілігін сезінуде, бұл энергия өндіруші ұйымдардың негізгі жабдығының жиі тоқтап тұруына, сондай-ақ тұтынушылар тарапынан жүктеменің күрт өсуіне байланысты. 2021 жылы электр энергиясын тұтыну 113,9 млрд кВт/ сағатты құрады, бұл 2020 жылғы көрсеткіштен 6% артық. Алдыңғы жылдары тұтынудың өсуі орта есеппен 2% құрады, сондықтан 3 есе өсу қалыпты емес болып саналады. Бұл туралы сараптамалық дөңгелек үстел барысында ҚР ЭМ электр энергетикасын дамыту департаментінің директоры Айдос Дәрібаев мәлімдеді.