2020-2021 оқу жылында қазақстандық 26 оқушы беделді халықаралық пәндік олимпиадалардың жеңімпаздары мен жүлдегерлері атанды. 2021 жылғы 1 қыркүйектегі Қазақстан халқына Жолдауында Президент дарынды балаларды, сондай-ақ олардың педагогтарын жан-жақты қолдау міндетін қойды. Бұл туралы Орталық коммуникациялар қызметі алаңында ҚР БҒМ Мектепке дейінгі және орта білім комитетінің төрайымы Гүлмира Кәрімова мәлімдеді.